Nagpanugyan ang Iloilo City Commission on Elections (COMELEC) sa mga botante nga magpartisipar sa mga voter’s education agud makahibalo sa himuon para sa 2025 midterm elections.
Sa interview sang Bombo Radyo kay Atty. Pinky Tentativa, Election Officer IV sang Iloilo City Commission on Elections, iya ginpahayag nga magatudlo sila sa paggamit sang automated counting machine nga amo ang pagagamiton sa eleksyon.
Suno kay Tentativa, libuton sang talatapan ang kabarangayan sa bug-os nga syudad agud nga mas mapalapit sila.
Magapaguwa naman ang COMELEC sang listahan sang tanan nga schedules sang road show agud nga mapahibalo ang publiko.
Nagapati naman ang natungdan nga mas maayo kon makatuon ang mga newly registered voters sa paggamit sang machine agud nga mapamilyar sini ang mga pagsulundan sa adlaw mismo sang eleksyon.
