Naka-recod sang kabug-usan nga 37 aspirants sa nagkalain-lain nga posisyon ang Iloilo City Commission on Elections (COMELEC) sa filing sang certificate of candidacy (COC).
Sa interview sang Bombo Radyo kay Atty. Pinky Jevini Tentativa, election officer IV sang Iloilo City COMELEC, iya ginpahayag nga sa sugod sang una nga adlaw sang filing, ang amo nga numero ang nabalhag, kon sa diin, tatlo diri ang magapapili sa pagka-kongresista, samtang isa naman sa pagka-alkalde.
Suno kay Tentativa, duha ang nagpapili bilang bise-alkalde sang syudad samtang 31 naman para sa pagka-konsehal sang Iloilo City.
Natalana naman nga ipasa sang talatapan sa central office sang COMELEC ang mga gin-file nga sertipiko sang mga kandidato.
Gin-athag man sang natungdan nga mahimo sang mga kandidato kag pumuluyo nga malantaw ang listahan sang mga political aspirants sa ila official website sugod Oktubre 29, 2024.
Kon may makita naman ang mga kandidato nga error sa ila pangalan, bukas ang talatapan agud magbaton sang ila koreksyon, paagi sa pag-request sang typographical error ukon clerical error.
