ILOILO CITY- Gin-lockdown ang opisina sang Commision on Election (Comelec) sa IIoilo City matapos nagpositibo sa COVID-19 ang siyam ka personnel.
Sa interview sang Bombo Radyo kay Mr. Jonathan Sayno, Election Assistant II Jonathan Sayno sang Iloilo City Comelec, iya ginpahayag nga mahimo nga madugangan pa ang amo nga numero sang infected bangud ginpapidalom pa sa RT-PCR test ang iban sa ila.
Suno kay Sayno, nag-umpisa ang lockdown sang Biyernes,Enero 14 kaga magatakop sa Huwebes, Enero 20 para sa pagpatigayon sang disinfection.
Ginpahayag ni Sayno nga may yara lang sang security guard sa gwa sang opisina agud magsabat sa inquiry sang mga pumuluyo nga nagapadulong sa opisina.
Gin-ako ni Sayno nga bangud sa lockdown,apektado ang pag-isyu sang voters certification kag ma-delay man ang printing sang Post Certified Voters List ukon PCVL.
