ILOILO CITY- Wala pa nakasugod sang Operation Baklas ang Commission on Elections (COMELEC) sa Iloilo City.
Ini kasunod sang pag-umpisa na sang Operation Baklas sa National Capital Region kahapon,Pebrero 16.
Sa interview sang Bombo Radyo kay Mr. Jonathan Sayno,Election Assistant II sang Iloilo City COMELEC, iya ginpahayag wala pa nakompleto ang task force nga magapatigayon sang pagpangbaklas.
Suno kay Sanyo, ini ang pagatapuan sang COMELEC , Philippine National Police, Department of Environment and Natural Resorces kag Iloilo City Engineeing District.
Pahayag niya, posible nga sa masunod nga semana pa sila makasugod sang operasyon.
Nagpaandam naman si Sayno sa mga kandidato nga nagalapas sa pagsulundan sa husto nga kadakuon kag pagtakod sang campaign posters bangud kun makit-an nga wala nagasunod sa guidelines, i-confiscate ini kag i-report sa law department sang COMELEC main office kag mahimo mangatubang sang kaso ang mga violators.
