ILOILO CITY – Ginpisa-pisa sang Chairman sang Committee on Rules, Ordinance, Resolutions, Style, Justice and Legal Affairs kag Transportation sa Iloilo City Council ang Land Transporation Office (LTO) natuhoy sa operasyon sang Private Motor Vehicle Inspection Center ukon (PMVIC).
Sa ginpatigayon nga consultative meeting, nakum-an si Atty. Allan Sacramento, Legal counsel kag chief sang operations division sang Land Transportation Office (LTO) Region VI sang gin-usisa sang chairman sang komitiba nga si Iloilo City Councilor Atty. Rommel Duron natuhoy sa pagpanukot sang P1,800 kag iban pa nga balayran.
Kuntani suno kay Duron, mahibaluan ni Sacramento ang sabat sa iya pamangkot bangud sila ang nagapatuman sang layi.
Nagapati naman si Duron nga indi pa handa ang nasambit nga ahensya sang gobyerno sa pagapatuman sang private motor vehicle inspection system (PMVIS).
