Ginrekomendar sang Iloilo City Council nga liwat suspendihon ang Punong Barangay sang San Isidro, Jaro, Iloilo City.
Ini amo si Punong Barangay Ronela Juaneza.
Ini kasunod man sang natukiban sang Committee on Personnel, Good Government, Public Accountability, and Oversight nga wala nasunod ni Juaneza ang Government Procurement Act.
Sa interview sang Bombo Radyo kay Iloilo City Councilor Rex Sarabia, iya ginpahayag nga natumod nga wala nag-agi sa husto nga bidding process ang pagbakal sang bulong kag office supplies.
Suno kay Sarabia, tatlo ka mga counts ang nalapas sang punong barangay lakip na ang misconduct kag dishonesty.
Ginalantaw man sang natungdan nga mapirmahan ang 6-month suspension ni Juaneza subong nga semana, kasunod sang paglapas sini sa RA 9184 ukon ang Government Procurement Reform Act.
Nahibaluan nga nauna na nga gindagdagan sang 60-day suspension ang punong barangay sang nagligad nga Agusto.
