ILOILO CITY- Nagpasar ang Iloilo City Council sang resolution nga nagadayaw sa performance ni former Iloilo City Police Office Director Police Colonel Joeresty Coronica.
Sa interview sang Bombo Radyo kay Councilor Sedfrey Cabaluna, chairman sang Committee on Police Matters kag author sang resolution nga gin-co- author sang tanan nga konsehal, iya ginpahayag nga madamo sang accomplishments ang anay city director.
Suno kay Cabaluna, isa diri amo ang personal nga pagtambong ni Coronica sa committee hearings sang konseho.
Pahayag ni Cabaluna, dako man nga bagay ang personalidad ni Coronica nga mahapos ini pakig-angutan.
Nahibaluan nga subong nga adlaw nagsugod ang iya pagpungko bilang director sang Bacolod City Police Office.
Nagbulos naman bilang director sang Iloilo City Police Office si Police Colonel Kim Legada.
