ILOILO CITY – Nagdihon sang lihok ang Iloilo City Council agud nga mapadasig ang application sang MORE Electric and Power Corporation sa Energy Regulatory Commission para sa 20 megawatts nga geothermal energy para sa syudad sang Iloilo.
Sa interview sang Bombo Radyo kay Councilor Atty. Romel Duron, chairman sang Committtee on Energy and Public Utilities, iya ginpahayag nga dako ang mabulig sa syudad sang Iloilo sa tion nga maaprubahan ang request sang MORE Power bangud nga ini ang makabulig agud nga magnubo ang balayran sa kuryente sang mga kunsumidor sang syudad.
Bangud sini, nagpasar siya sang isa ka resolution nga naga-endorse sa Energy Regulatory Commission agud nga mapadali ang approval sa joint application sang Energy Development kag MORE Electric and Power Corporation para sa 20 megawatts nga supply agreement sa sulod sang lima ka tuig.
Sa existing bill sang mga kunsumidor, ginabanta nga 70 percent gid ang generation charge.
Sa subong, ang MORE Power ang nagagamit sang coal nga tuman ka mahal kun ikumpara sa geothermal energy.
