Nagpatigayon sang legislative inquiry ang Iloilo City Council tuhoy sa wala gihapon maswelduhan nga ginatos ka mga jobhires kag casual employees sa syudad sang Iloilo humalin Enero tubtob Marso 2019.
Suno kay Nava, katuyuan man sang nasambit nga legislative inquiry nga maklaruhan ang tuhoy sa panindugan ni Iloilo City Treasurer Jinny Hermano sa indi pagpirma sa payroll sang mga jobhires bangud wala sang budget ang Syudad para diri.
Suno pa sa konsehal, kwestyonable man ang pahayag ni Hermano nga wala sang budget para sa jobhires bangud wala kuntani gin-aprubahan ang job-order para sa pagbaton sa sini nga mga jobhires kun wala sang pondo para sa ila.
Gintambungan naman ang nasambit nga legislative inquiry nanday City Administrator Atty. Hernando Galvez; City Treasurer Engr. Jinny Hermano; City Accountant Michelle Lopez; City Budget Officer Ninda Atinado,tiglawas sang Department of Interior and Local Government (DILG), Department of Budget and Management (DBM),kag mga casual employees.
Wala naman naimbitar ang Bureau of Local Government Finance nga importante kuntani ang papel nga ginatungdan bangud diri nagakuha sang policy nga ginasunod kag ginapatuman ang mga city treasurers sang mga local government units sa pungsod.
