ILOILO CITY- Tun-an liwat sang Iloilo City Council ang ginpasar sadto nga resolusyon tuhoy sa pagpahanugot sang pag parking sa Dela Rama Street malapit sa Iloilo Plaza Libertad.
Sa interview sang Bombo Radyo kay Iloilo City Vice Mayor Jeffrey Ganzon, iya ginpahayag nga igareview liwat ang resolusyon bilang sabat sa panawagan sang mga pumuluyo nga hawanan ang nasambit nga dalan.
Suno kay Ganzon, tan-awun nila kun rasonable ang himuon nga amendment sang nasambit nga resolusyon.
Sa tunga sang lokal kag nasyunal nga layi magapangibabaw suno sa iya ang nasyunal nga layi.
Nagapanindugan man ang natungdan nga dapat sundon kun ano man ang layi sang pungsod.
