ILOILO CITY – Ginkwestyon ni Iloilo City Councilor Atty. Romel Duron ang indi paghatag sang konseho nga in-charge sang committee report sang Enhanced Local Public Transport Route Plan.
Ini agud makumpara ang kinalain sang old kag new sa route planning.
Sa interview sang Bombo Radyo kay Councilor Drilon nga una na nga nagduso sang route plan, iya ginpahayag nga nagalaom ini nga hatagan sang tyempo agud irepaso ang committee report sang route planing.
Suno kay Duron, indi pa handa ang Committee on Transportation sa paghatag sang detalyado nga route plan sa konseho.
Ginpahayag sang natungdan nga maathag ini nga rason kun nga indi pa handa ang Iloilo City sa Land Transportation Franchising and Regulatory Board modernization program.
Samtang, gin-ako naman ni Iloilo City Councilor Sedfrey Cabaluna ang nangin kakulangan sa tiempo agud mapreparahan ang paghatag sang committee report sa Iloilo City Council
Matandaan nga una na nga nagreklamo si Councilor Romel Drilon bangud wala ini nakabaton sang committee report may kaangtanan sa naaprubahan nga Enhanced Local Public Transport Route Plan.
Sa interview sang Bombo Radyo kay Councilor Cabaluna, iya ginpahayag nga ulihi na lamang nga nagpirma ang Vice Chairman sang komitiba kun sa diin ulihi na ini nga nakahatag sang committee report.
Suno pa kay Cabaluna, nagakinahanglan sa gihapon nga hulaton ang notice of compliance sang Land Transportation Franchising and Regulatory Board antes madiskusyunan ang route planning.
Ini agud mahatagan sang tyempo sang konseho agud matun-an ang mga ginbag-o sa Enhanced Local Public Transport Route Plan.
