Iloilo City – Nagpaandam si Iloilo City Councilor Atty. Sedfrey Cabaluna nga may manabat sa wala nagsunod sa kasugtanan sa signal jamming sang Dinagyang Festival 2023.
Sa interview sang Bombo Radyo kay Cabaluna, iya ginpahayag nga hibaluon nila ang rason kun ngaa lapnagon ang signal jamming sa mga lugar nga wala nalakip sa mga areas nga ginbalabagan sang koneksyon.
Matandaan nga gin-request sang Explosive Ordinance Division sang Iloilo City Police Office ang signal shutdown kag gin-aprubahan sang Iloilo City Council.
Suno kay Cabaluna, usisaon niya ang rason bangud nakabaton ini sang mga reklamo nagikan sa nagkalain-lain nga banwa kaangay sang Leganes nga naapektuhan.
