Nakatalana nga ipatawag ni Iloilo City Councilor Romel Duron ang Bureau of Fisheries and Aquatic Resources (BFAR) kag Department of Environment and Natural Resources (DENR) kun paano nakakuha sang Fishpond Lease Agreement (FLA) ang 60 ka ektarya nga Mangrove area sa bahin sang Brgy. Bitoon, Jaro Iloilo City.
Sa interview sang Bombo Radyo kay Councilor Duron, iya ginpahayag nga sa palaabuton nga Huwebes, Pebrero 19, 2026, iya ipatawag ang BFAR kag DENR sa isa ka committee hearing sang City Council agud nga maklaruhan kag masabat ang tanan sini nga palamangkutanon natuhoy sa amo nga isyu.
Dugang pa sini nga kun matuod nga may fishpond sa amo nga lugar, kinahanglan sang mga ini sikyarun ang permit halin sa city council agud nga maka-operate.
Matandaan nga ang ginapahayag nga Fishpond ang nakapangalan sa Diego Agri Aqua and Land Ventures, nga may lease agreement nga may petsa nga Pebrero 28, 2025 kag may numero nga 6351, kun sa diin sakop sini ang halos 35 ka ektarya sang lugar.
Napetsahan man nga Pebrero 28,2025 ang isa ka agreement nga may numbero nga FLA No. 3483-8 nga sakop ang 25 ka ektarya kag ginapanag-iyahan sang pareho lamang nga indibidwal.
Ini na mga impormasyon ang nagtuhaw matapos nga nagpatigayon sang imbestigasyon si Duron bangud sa alegasyon nga gin-hatagan sang pribado nga land titles ang halos 50 ka ektarya nga mangrove areas sa Iloilo Strait nga ginakabig nga protektado nga public land.
 kag Department of Environment and Natural Resources (DENR) kun paano nakakuha sang Fishpond Lease Agreement (FLA) ang 60 ka ektarya nga Mangrove area sa bahin sang Brgy. Bitoon, Jaro Iloilo City.){kind=link}