Iloilo City – Nagpabutyag sang pagkadismaya si Iloilo City Councilor Ely Estante sa mga food establishments nga wala nagahatag sang service water sa mga customers.
Sa privilege speech sang konsehal, ginpautwas sini ang pagkabalaka nga siya mismo ang nangin biktima sang sitwasyon kun sa diin ginbaligayaan ini sang bottled water nga tag ₱50 kada botelya.
Suno kay Estante, ini ang paglapas sa ordinansa nga iya ginduso sang lima na ka tuig nga amo ang Regulation Ordinance 2018-051 ukon ang “Free Potable Service Water Ordinance of Iloilo City.”
Kaangot diri, nagpasar sang resolution ang Iloilo City Council sa hugot nga pagpatuman sang ordinansa nga nagamando sang mga food establishments kag restaurants nga maghatag sang libre nga tubig sa mga customers.
