ILOILO CITY- Ginkonperma ni Iloilo City Councilor Ely Estante nga gindala siya sa hospital bangud sa dengue hemorrhagic fever.
Sa interview sang Bombo Radyo kay Estante, iya ginpahayag nga wala siya naglaum nga isa man siya sa mga linibo nga nabiktima sang dengue.
Suno kay Estante pagpuli niya nagikan sa ginhiwat nila nga meeting sang mga kaupdanan sa konseho, nakita sang iya tiayon ang pagpalamula sang iyab guya kag dyan kay may yara na siya sang mga rashes.
Matapos sadto nagdesisyon nalang siya nga magpahospital agud makasigurado.
Pagkatapos sang mga test natukiban nga nagnubo ang iya platelet counts kag nadiskubrehan nga may yara siya sang dengue.
Pila man kaadlaw suno kay Estante nga ginadala-dala lang niya ang nabatyag nga sakit sa ulo sa diin nabatyagan niya ang init sa sulod sang iya lawas lakip na ang pagpalangurog kag kulang sa balanse.
sa subong nagapabilin si Estante na hospital agud maobserbahan bangud padayun ang pagginuwa sang mga rashes saiya lawas.
Nagpaandam man ini sa mga pumuluyo nga maghalong bangud wala sang ginpili ang dengue.
