ILOILO CITY- Amat-amat na nga naga-ayo ang pamatyag ni Iloilo City Councilor Ely Estante matapos nabiktima sang dengue hemorrhagic fever.
Sa interview sang Bombo Radyo kay Councilor Estante, iya ginpahayag nga sa subong nga adlaw nagdangat na sa 120 ang iya platelet counts kag ginapaubos nalang ang dextrose nga gintakod sa iya.
Suno kay Estante ginahulat nalang niya kun ano pa ang dugang nga advise sang doktor sa iya.
Indi man niya suno kay Estante matumod kun sa diin niya nakuha ang dengue.
Dugang pa sang natungdan nagakadapat nga magpatigayun sang paninlo kag seminar agud matapna ang pagduging sang dengue.
