Ginhatagan ni Iloilo City Councilor Johnny Young sang perfect 10 nga score ang Iloilo City District Engineering Office (ICDEO) kaangot sa ila nga pinakaulihi nga performance.
Sa interview sang Bombo Radyo kay Councilor Young, iya ginpahayag nga ang mga proyekto sang nasambit nga talatapan ang wala na sang delay.
Suno kay Young, nakita sini nga sa subong, nakabalo na ang ICDEO kon ang ano ang ubrahon ilabi na sa pag-comply sang mga permit.
Ginlaragway man sang natungdan nga very smooth na ang dalagan sang mga proseso sa amo nga opisina.
Gintumod man sini nga wala man sila nagalantaw sa kon sin-o ang naga-uyat sang isa ka proyekto tubtob nga maka-comply sila sang mga kinahanglanon nga gina-require sang syudad.
Nahibaluan nga una na nga nangin kontrobersyal ang ICDEO matapos nga ginpa-untat ni Iloilo City Mayor Jerry Treñas bangud sa indi pag-comply sang mga permit.
