ILOILO CITY — Ginpahayag ni Iloilo City Councilor Jose Maria Miguel Treñas nga sugod sang nagligad pa nga semana naistoryahan sang ila bahin ang pagpabatyag sang Partido Federal ng Pilipinas (PFP).
Sa interview sang Bombo Radyo kay Councilor Treñas, iya ginpahayag nga amat-amat na nakaplastar ang mga kaupod nila nga magasumpa sa amo nga partido, sa diin, lakipan ini ni Iloilo City Vice Mayor Jeffrey Ganzon kag pila ka mga councilors.
Suno sa konsehal, mas ginhatagan sang importansya nga makasumpa ang mga incumbent nga opisyal bangud man sa hingyo sang mga national nga lederes nga unahon sila.
Ginpahayag man sini nga sa subong, ang kumpirmado nga magapanumpa sa Partido Federal ng Pilipinas amo sanday Vice Mayor Ganzon kag ang kaupod niya nga lima ka mga incumbent city councilors.
Nahibaluan nga nakatalana nga hiwaton ang pagsumpa sang mga Ilonggo nga opisyales nga magasulod sa ruling party nga Partido Federal ng Pilipinas sa Hunyo 2, 2024, ala-1:00 sang hapon sa isa ka hotel sa Iloilo City.
