Iloilo City – Dismayado si Iloilo City Councilor Plaridel Nava kay Mayor Jerry Treñas bangud sa paghatag sang ready-made nga ordinansa.
Sa interview sang Bombo Radyo kay Councilor Nava, iya ginpahayag nga nagapakita lamang ini nga ginaspoon-feed sang aklalde ang mga konsehal agud magpasar sang ordinansa.
Suno kay Nava, nagagwa lamang nga kulang sa ikasarang sa pagbalay sang ordinansa ang mga konsehal.
Ginpahayag dugang sang natungdan nga insulto sa Iloilo City Council ang pagbalewala sang separation of power sang legislative kag executive branch.
Nagpanawagan naman si Nava sa mga kaangay nga konsehal nga kuntani maintindihan ini bangud ginaprotektahan lamang niya ang integridad sang Iloilo City Council.
