ILOILO CITY – Nagpasar sang ordinansa si Iloilo City Councilor Plaridel Nava nga naga-regulate sang mga peryahan sa syudad.
Sa interview sang Bombo Radyo kay Nava, iya ginpahayag nga wala sang ordinansa sa syudad nga naga-establish sang safety measure sa mga peryahan.
Suno sa iya, tuman ka delikado ang mga “rides” gani dapat nga may yara sang specifications nga i-require agud nga malikawan ang mga insidente.
Pahayag pa sang natungdan, dapat nga may yara gid sang ginikanan ukon guardian ang isa ka menor-de-edad sa tion nga magsakay sa mga ini.
Dugang pa ni Nava, dapat man nga regular ang pag-monitor sa mga rides.
Kung madumduman, sang Enero 26, 2019, may nadagdag nga mag-iloy sa ferris wheel sa peryahan sa distrito sang Mandurriao.
Ginaduso man sa ordinansa ang pagdumili sang sugal bangud nga ang masami nga mga kabataan ang nagapadulong sa mga peryahan.
