ILOILO CITY — Tuyo nga i-endorse ni Iloilo City Councilor Romel Duron sa City Council ang letter nga ginpasa ni Former Iloilo City Councilor R Leonen Gerochi nga nagasaad nga imbestigaran ang pagpataas sang Metro Pacific Iloilo Water sang rate sang tubig.
Sa interview sang Bombo Radyo kay Duron, chairman sang Committe on Public Utilities, iya ginpahayag nga iduso sang komitiba sa konseho ang letter ni Gerochi bangud ini ang may punto kag basihan ilabi na sa patag sang pagserbisyo sang water distribution utility.
Suno kay Duron, apisar nga minimal lang ang pagpataas sa presyo sang tubig, nagakadapat nga involve diri ang serbisyo nila, sa diin kinahanglan nga konsultahon ang mga konsumidor.
Ginpahayag man ni Duron nga valid ang complain ni Gerochi bangud siya ang isa man sa mga konsumidor sang amo nga water distribution utility.
Ginkwestyon naman sang natungdan ang MPIW sang ila nga hinimuan sa sulod sang pila ka tuig nga ila pagpungko bilang major distributor sang tubig sa Iloilo City.
Nahibaluan nga sang nagligad lang nga adlaw, nagpatigayon ang Metro Pacific Iloilo Water kag Metro Iloilo District Water sang public hearing kaangot sa pagpasaka sang presyo sang tubig.
