Iloilo City – Wala sang may nakit-an nga malain si Iloilo City Councilor Atty. Sedfrey Lopez Cabaluna sa paghatag sang ready-made nga ordinansa halin kay Mayor Jerry Treñas.
Ini matapos nangin dismayado si Iloilo City Councilor Plaridel Nava sa pag-spoon feed sang alkalde sa mga konsehal agud magpasar sang ordinansa.
Sa interview sang Bombo Radyo kay Cabaluna, iya ginpahayag nga indi “spoon feeding” ang ginahimo sang alkalde bangud nagaagi ini sa insakto nga proseso.
Ginapun-an lang suno sa natungdan sang executive branch ang kulang ukon kinahanglan nga may idugang nga ordinansa nga iduso sa Iloilo City Council.
Suno kay Cabaluna, dako nga bulig kun magbuligay ang executive kag legislative branch.
Gin-athag man ni Cabaluna nga, ginarespeto niya ang pahayag ni Nava.
