ILOILO CITY – Nakadepende na sa mayorya sa Iloilo City Council kun bala hatagan sang komitiba ang minorya.
Sa interview sangBombo Radyo kay Iloilo City Councilor Candice Tupas, iya ginpahayag nga ang mayorya na ang magadesisyon kun hatagan sila nanday Iloilo City Councilor Mandrie Malabor, Eduardo Peñaredondo kag Lyndon Acap sang komitiba.
Ginpahayag ni Tupas nga may komitiba man ukon wala, padayon ang iya pagtib-ong sang iya adbokasiya tuhoy sa ikaayong lawas ilabi na sa mga kababainhan kag mga iloy.
Nahibalu-an nga ang nabilin na gid lamang nga mga komitiba amo ang Agriculture, Fisheries, Aquatic and Natural Resources, Moral Recovery, Communication and Public Information kag Women and Family Relations.
