Gin-ako ni Iloilo City Councilor Sedfrey Cabaluna nga wala wala pa nadiskusyonan sa konseho ang pagtal-os sa mga committee head sang city councilors nga maga-graduate na kasunod sang pagtakop sang ila nga termino.
Sa interview sang Bombo Radyo kay Atty. Cabaluna, chairman sang Committee on Public Safety, iya ginpahayag nga sigurado nga antes ang Hunyo 30 kag mag-assume ang next term, may mga magapungko na sa mabakante nga committee head nga posisyon.
Suno sa natungdan, nagadependi sa gihapon sa mayorya ang mangin resulta sang pagsinapol.
Ginpahayag man sini nga madamo pa sang balasahon agud nga matumod ang mga masunod nga head sang tagsa ka komitiba bangud may mga yara man nga luyag na buy-an ang amo nga posisyon.
Bukas naman si Cabaluna nga makatrabaho kaupod ang bag-o nga Bise-alkalde nga si Incoming Iloilo City Vice Mayor Love-love Baronda.
