ILOILO CITY – Nangibabaw ang abilidad sang Iloilo Dance Sport Team sa isa sa pinaka-prestihiyoso nga DanceSport competitions sa Negros Occidental.
Sa ginpatigayon nga RONNIE STEEVE VERGARA ONLINE DANCESPORT COMPETITION 2020, yari ang mga tiglawas sang Iloilo City nga nagdala sang dungog sa syudad:
Sa Juvenile Male, nakuha ni Rhianne Jophet Montano ang Gold Medal sa Chacha, kag silver medal sa Jive.
Sa Junior Female, nakuha ni Precious Villarete ang Silver Medal sa Chacha kag Gold Medal sa Jive.
Semi finalist si Ashleen Madrilen~o sa Chacha kag 6th Place sa Jive.
Sa Junior Male, nakuha ni Marwin Valenzuela ang Silver Medal sa Chacha kag Silver Medal sa Jive.
Semi finalist naman sa Chacha si Joerelle Galfo kag semi finalist man sa jive.
Sa Youth Male Duo, gold medalist sanday Kyle Eric Dela Cruz kag Dandreb Cangayda; samtang sa Youth Female Duo, silver medalist sanday Jared Gener kag Nheki Charize.
Sa interview sang Bombo Radyo kay JP Dela Cruz, coach sang Iloilo City Dance Sport Team, iya ginpahayag nga nalipay gid siya nga bisan may COVID-19 restrictions, wala nagpapugong ang iya nga team kag ini ang nagaserbe man nga inspirasyon sa iban nga mga kabataan.
