πππ’πππ’ πππ§π¬ β Ginpasalamatan sang Iloilo City District Engineering Office ang Iloilo City Government sa nangin bulig sa ila nga pagsaylo sa bag-o nila nga opisina.
Ini kasunod man sa ginpaguwa nga statement ni Iloilo City Mayor Jerry TreΓ±as nga pagkadismaya sa talatapan bangud sa wala sila nagpasalamat sa nangin bulig sa ila sang alkalde.
Sa interview sang Bombo Radyo kay Fema Guadalupe, public information officer sang Iloilo City District Engineering Office, iya ginpahayag nga sa subong, indi pa sila makahatag sang statement sa nangin pahayag ni Mayor TreΓ±as nga indi sila paghatagan sang approval para sa mga possible mangin projects sang opisina.
Suno kay Guadalupe, nangin dako nga bulig sa ila nga opisina ang pagpahanugut sa ila nga makatinir sa duta sang city government sa sulod sang kapin apat ka dekada.
Ginpahayag man sini nga amat-amat na sila nagasaylo sa ila bag-o nga ginapahamtangan sa diin, halos sa tanan sang ila kagamitan ang nahakot na.
Ginalauman naman sang talatapan nga mag-abot ang ila transformer agud mangin matalunsay ang ila electrical connections kag makasugod na balik sa ila operasyon.
Nahibaluan nga kahapon nga adlaw, natigayon nga mapadala ang sulat sang City District Engineering Office kay Mayor TreΓ±as nga nagapasalamat sa nangin bulig sang alkalde ilabi na sa ila pagtinir sa duta sang city government.
