Nagapabilin nga wala sang pagpaathag ang Iloilo City District Engineering Office sa pila ka mga multipurpose building nga wala matapos.
Sa interview sang Bombo Radyo kay Punong Barangay Ruby Gallano sang Brgy. San Isidro, Jaro, iya ginpahayag nga 2022 sang ginsugoran ang pagtukod sang Multipurpose Building sa ila barangay.
Suno kay Gallano, bisan sila ang wala nakahibalo kon sin-o ang kontraktor sang pasilidad.
Ginpahayag man ni Gallano nga apat tubtob anom lang ka tawo ang iya nakit-an nga nagatrabaho sa proyekto.
Nahibaluan nga nagabalor sang P73,989,067 ang proyekto sa idalom sang Department of Public Works and Highways Region 6.
