Gin-athag sang Iloilo City District Engineering Office nga ang layout sang proyekto nga drainage system sa JM Basa Street, City Proper ang konektado sa box culvert sa Guanco Street.
Sa interview sang Bombo Radyo kay Engineer Dave Belarga sang Iloilo City District Engineering Office, iya ginpahayag nga ang purpose sang proyekto amo agud ma-cater ang tubig nga nagahalin sa Plazoleta Gay, Ledesma Street.
Suno kay Belarga, ang ginpahamtangan sang proyekto ang pinaka-shortest ukon mas malapit nga maka-cater sang tubig-baha nga nagahalin sa Iznart Street.
Ginpahayag man sini nga sa subong nagakoordinar na sila sa talatapan sang Iloilo City Traffic Management Unit (ICTMU) agud nga maka-excavate kag ma-locate ang pipes sang Department of Information and Communications Technology Regional Office VI (DICT).
