ILOILO CITY — Nagpasalig ang Iloilo City District Engineering Office nga madayon na ang rehablitasyon sang Budburan Creek sa Distrito sang Lapuz, Iloilo City.
Sa interview sang Bombo Radyo kay Engr. Roy Pacanan, Officer in Charge sang City District Engineering Office, iya ginpahayag nga nagakoordinar na sa Local Government Unit kag City Environment & Natural Resources Office (CENRO) agud masuguran ang rehabilitasyon.
Suno kay Pacanan, ginaproseso na ang mga dokumento nga kinahanglanon agud makakuha sang mga permit kag masugodan liwat ubra ang proyekto.
Ginpahayag man sini nga sang Byernes, Mayo 24, nagpatigayon sang pagsinapol ang talatapan agud ma-address ang kahimtangan sang mga informal settlers kag sang creek.
Nahibaluan nga may pondo ang proyekto nga P100 million apang pananglitan nga nag-untat ang rehabilitasyon bangud sa ginaduso nga pag-ilis sang disenyo sini.
