Iloilo City – Nagpahanumdom ang Iloilo City Disaster Risk Reduction and Management Office sa publiko nga hatagan sang igtalupangod ang ikaayong lawas kasunod sang pagdeklarar sang Philippine Atmospheric, Geophysical and Astronomical Services Administration sang pagsugod sang dry season.
Sa interview sang Bombo Radyo kay Ms. Donna Magno, pinuno sang Iloilo City Disaster Risk Reduction and Management Office, iya ginpahayag nga kinahanglan sang mga pumuluyo nga mag-inom sang madamo nga tubig kag likawan ang mga carbonated drinks agud malikawan ang heat stroke kag dehydration.
Suno kay Magno, mahimo man nga likawan sang mga pumuluyo nga magwa sa tagsa ka mga panimalay bangud sa tuman ka init nga panahon ilabi na kun ala 1:00 tubtob alas 3:00 sang hapon.
Kaangot diri suno sang natungdan, kinahanglan man nga mag-aligmat ang mga pumuluyo batok sa sunog nga lapnagon subong nga mga tinion.
