Nagaplano ang Iloilo City Drug Enforcement Unit (CDEU) nga makigsapol sa Department of Social Welfare and Development (DSWD) kag Department of Education (DEPED).
Ini kaangot man sa nagalapta nga iligal nga droga sa mga eskwelahan.
Sa interview sang Bombo Radyo kay Police Captain Ryan Christ Inot, Chief of Police sang Molo Police Station, iya ginpahayag nga padayon ang ila nga pagpakig-angot sa mga local agencies nga mahimo makabulig sa ila sa nasambit nga tikang.
Suno kay Inot, tuyo sang tikang nga masolusyonan ang mga kabataan nga na-involve sa illegal drugs agud man nga mabuligan sila mabalik sa maayo nga buwas-damlag.
Ginpahayag man sang natungdan nga may isa ka eskwelahan nga natumod sang talatapan nga may presensya sang kabataan nga nagahupot sang iligal nga druga.
Ginapangitaan man sang talatapan sang nagakaigo nga programa ang mga estudyante nga posible malakip sa indi maayo nga buluhaton.
