ILOILO CITY – Ginpanginwala sang Iloilo City Engineer’s Office sang Department of Public Works and Highways nga ila ang proyekto nga twin building nga naga-uyog sa Iloilo City National High School.
Sa interview sang Bombo Radyo kay Engineer Rodney Gustilo, pinuno sang Iloilo City Engineer’s Office, iya ginpahayag nga base sa ila data sang 2012 tubtob 2019, wala sila sang proyekto nga 3 storey school building.
Suno kay Gustilo, ang ila lamang nga proyekto nga ginpatukod ang ang 4-storey-school building.
Ginmanduan naman niya ang personnel sang talatapan nga istoryahon ang school authorities agud mahibaluan kun ano ang implementing office sang twin building.
Pahayag niya, naga-construct ang Department of Public Works and Highways sang mga istruktura gamit ang pondo sang Department of Education apang ginasunod lamang sang DPWH ang standard plan sang DepEd.
Antes naman nga i-turn over sang Department of Public Works and Highways sa Department of Education ang proyekto, may yara sang ginpatigayon nga monitoring ang kaugalingon nga inspektor sang DepEd agud nga malantaw kun mabakod ukon may kulang sa istruktura.
