Ginalantaw sang Iloilo City Engineers Office nga matigayon matapos sa sulod sang pulo ka adlaw ang ila pagpangbaklas sang mga kable sang telecommunication companies sa JM Basa St., City Proper.
Sa interview sang Bombo Radyo kay Mr. Joel Gerasmia, Electrical Inspector II sang City Engineers Office, iya ginpahayag nga may yara na sila sang timeline nga ginasundan.
Suno kay Gerasmia, kabay pa nga indi lang maglain ang tyempo agud nga matalunsay nga makakas ang mga linya sang telcos.
Nagpasalig man ini nga indi malab-otan sang Dinagyang Festival kag matapos ang operasyon sang ila talatapan.
Gin-ako man sang natungdan nga dako nga pagpanghangkat sa ila ang mga naga-park sa kilid sang dalan, kon sa diin, nagpanugyan ini nga likawan anay ang pag-park sa sang ila salakyan sa JM Basa St., City Proper.
