Padayon nga ginapabaklas sang Iloilo City Engineers Office ang mga kable sang telecommunications company sa syudad.
Sa interview sang Bombo Radyo kay Mr. Joel Gerasmia, Electrical Inspector II sa City Engineers Office, iya ginpahayag nga bangud man sa ila operasyon, na-eksperyensyahan sa pila ka mga dalan sa syudad ang moderate to heavy nga trapiko.
Suno kay Gerasmia, ginaekspektar nga posible nga magalawig pa ang amo nga sitwasyon sang traffic sa mga masunod nga mga inadlaw ilabi na sa JM Basa, St., City Proper.
Naglab-ot man sa duha ka dump truck ang nahakot sang talatapan nga mga gin-utod nga linya sang kable.
Ginpahayag man sini nga bisan sa isa sa telecommunication company, wala gid sang may nagkuha sang ila kaugalingon nga mga linya apisar nga ginsapol sila kahapon nga adlaw antes nagsugod ang operasyon.
Nahibaluan nga nag-expired na ang extension sang exemption sa mga telco companies sang Disyembre 31, 2024.
