(Bombo News Update: 8:43 am)
ILOILO CITY – Hulaton pa ni Iloilo City Mayor Jerry Treñas ang opisyal nga pahayag sang Inter-Agency Task Force (IATF) on Emerging Infectious Diseases may kaangtanan sa mangin lebel sang quarantine sa syudad sang Iloilo epektibo Lunes, Hunyo 1.
Nahibaluan nga kagab-i, Mayo 28, sa nangin pahayag ni Presidente Rodrigo Duterte, wala nalakip ang Iloilo City sa mga na-mensyonar nga lugar nga ipaidalom man sa gihapon sa General Community Quarantine (GCQ).
Apang kun basehan ang Resolution No. 40 sang Inter-Agency Task Force (IATF), ang Iloilo City lang sa Western Visayas ang magapabilin sa idalom sang General Community Quarantine (GCQ) samtang ang iban nga probinsya sa rehiyon ang ipaidalom sa Modified General Community Quarantine (MGCQ) umpisa Hunyo 1 tubtob Hunyo 15.
Sa interview sang Bombo Radyo kay Treñas, iya ginpahayag nga ‘las dies subong nga aga, makigsapol siya kag ang mga lider sa Western Visayas kaupod sanday National Task Force against COVID-19 chief implementer Carlito Galvez kag Department of the Interior and Local Government (DILG) Secretary Eduardo Año.
“Mahulat lang ‘ta sa final decalaration. Mabudlay ang magpato-pato lang kita kay basi kun magsala naman kita,” pahayag sang alkalde.
