Ginpaidalom na ang syudad sang Iloilo sa Alert Level 3 ukon moderate to critical risk.
Samtang ginpaidalom naman sa Alert Level 2 ang Iloilo Province.
Ini matapos gin-aprubahan sang Inter-Agency Task Force for the Management of Emerging Infectious Diseases (IATF) ang rekomendasyon nga pasangkaron ang pilot implementation sang Alert Levels System umpisa Nobyembre 1 tubtob 14, 2021 sa rehiyon 3, 6, 10, kag Baguio City bilang area para sa special monitoring.
Gin-aprubahan man sang IATF ang risk-level classifications sang provinces, highly urbanized cities, kag independent component cities nga wala pa nalakip sa expanded Alert Levels System implementation.
Magluwas sa syudad sang Iloilo, ginpaidalom man sa Alert level 3 ang mga masunod nga lugar: Bataan, National Capital Region, Cavite, Laguna, Rizal, Siquijor, Lanao del Norte, Davao City, Davao del Norte kag Baguio City.
Samtang yari naman ang iban pa nga lugar nga ginpaidalom sa Alert Level 2 sa Western Visayas: Aklan, Antique, Capiz, Guimaras, Negros Occidental, Bohol, Cebu City, Lapu-Lapu City, Mandaue City, kag Cebu Province.
Nahibaluan nga tubtob sa Oktubre 31, 2021 ang pagpaidalom sa Iloilo Province kag Iloilo City sa General Community Quarantine (GCQ).
