ILOILO CITY – Desidido ang Iloilo City Government nga pasakaan sang kaso ang mga nagalapas sa ginapatuman nga minimum health protocol sa syudad sang Iloilo.
Sa interview sang Bombo Radyo kay Fernando Jose “Boyet” Rico, Executive Asssistant for Barangay Affairs, iya ginpahayag nga tuman ka damo nga citation ticket ang nagatumpok sa iya opisina
Suno kay Rico, kasubong nga wala sang pulos ang ginahimo nga pagpanaway kag pagpangdakop sang compliance team bangud nga wala nagabayad sang multa kag wala man nagapakita ang violators sa tion nga ipatawag para sa settlement.
Ginpahayag ni Rico nga ginahulat niya ang Implementing Rules and Regulations gikan sa City Legal Office agud nga makahimo na sang akto apang samtang wala pa siya sang may nabaton, ang nasambit nga concern ang iya nga igapasa sa City Prosecutor nga amo naman ang magapasaka sang kaso.
Ini ang nagapakita lamang kun daw ano ka seryoso ang Iloilo City Government sa pagpatuman sang kampanya batok sa COVID-19.
