Ginaduso sang Iloilo City Government ang mas simple nga paghiwat sang Christmas Party subong nga holiday season.
Sa interview sang Bombo Radyo kay Ms. Joy Fantilaga, spokesperson ni Iloilo City Mayor Jerry Treñas, iya ginpahayag nga indi kinahanlan nga indi tuman ka garboso ang pagselebrar sang Christmas Party.
Suno kay Fantilaga, apisar sang indi garboso ang kahiwatan, mahimo sa gihapon nga madumdom ang kapanganakan ni Jesus sa ‘meaningful’ nga mga pamaagi.
Gin-athag man sini nga madamo sang palaagyan agud nga ipabatyag ang espirito sang paskwa sa isigkapareho, lakip na diri ang pagpakita sang pagpalangga.
Nagapati man ang natungdan nga ang kahiwatan ang mangin paagi agud makapasalamat sa nangin bugay nga blessings sang Ginoo sa bug-os nga tuig.
Nahibaluan nga patigayunon ang Christmas Party sang city government sa December 17 sa Iloilo Freedom Grandstand.
