ILOILO CITY – Ginaduso sang Iloilo City Government nga wala anay sang flag ceremony sa bulan sang Mayo.
Ini matapos nga nalipong ang isa ka empleyado sang opisina bangud sa tuman ka init sa diin nagtaas ang blood sugar level sini.
Suno kay Iloilo City Mayor Jerry Treñas, gina-asikaso na sang City Legal Office ang kinahanglan nga mga papeles para mapasa sa Civil Service Commission ang ginahingyo sang syudad.
Sa pihak nga bahin, ipatuman sang Iloilo City Government ang boluntaryo nga pagsuksok sang facemask sa indoor kag outdoor settings.
Sa ginpagwa Executive Order No. 055, mangin mandatory sa gihapon ang pagsuksok sang facemask sa mga healthcare facilities, public transportation kag medical transport vehicles.
