Ginalantaw sang Iloilo City Government ang posibilidad nga i-suspend ang klase bwas nga adlaw kon liwat nga maglain ang tyempo.
Sa interview sang Bombo Radyo kay Acting Mayor Jeffrey Ganzon, iya ginpahayag nga lantawon sang talatapan ang mangin dalagan sang panahon bwas nga adlaw.
Suno kay Ganzon, hulaton man ang mangin rekomendasyon sang Iloilo City Disaster Risk Reduction and Management Office (CDRRMO) sa mga masunod nga tikang nahanungod sa klase.
Ginpasigurado man sini nga maga-update gilayon sa publiko paagi sa social media kon makahimo na sang pinal nga desisyon.
Nagpanugyan man ang acting Mayor nga maghalong kag halongan ang kaugalingon subong nga may bagyo.
Nahibaluan nga ginsuspendi ang klase subong nga hapon sa Iloilo City bangud man sa malain nga lakat sang panahon nga dala ni Bagyo Kristine.
