ILOILO CITY – Ginkwestyon sang Iloilo City Government ang indi paghimo sang koordinasyon sang Department of Public Works and Highways Region 6 sa pagbukas sang P315-million nga flyover sa Barangay Buhang Jaro, Iloilo City kahapon, Mayo 15.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga ginkakibot sini ang pagbukas sang flyover kun sa diin nakabaton ang opisina sang nanari-sari nga mga reklamo.
Suno kay Conlu, ulihi na nagpadala sang sulat ang nasambit nga ahensya kay Iloilo City Mayor Jerry Treñas agud ipahibalo ang pagbukas sang flyover.
Kuntani suno sa natungdan, antes ang pagbukas sang flyover, nagpahibalo sila sang mga pagsulundan natuhoy sa mga ginadumilian kag ginatugutan nga mga salakyan nga magaagi sa flyover.
Sa subong nga nabaton na ni Conlu ang endorsement letter, ginpasalig sini nga ipatuman ang guidelines sang mga salakyan nga mahimo makaagi sa Buhang Flyover.
