Ginpasidunggan sang Iloilo City Government ang mga best performing police stations sang Iloilo City Police Office (ICPO) sa syudad para sa first quarter sang 2025.
Lakip sa ginkilala si Iloilo City Police Office Director Police Colonel Kim Legada bangud sa nangin madinalag-on nga kampanya sini batok ilegal nga droga.
Ini kasunod man sang naglab-ot sa P45.1 million ang balor sang nakumpiskar nga suspected shabu nga nagresulta sa pagka-aresto sang masobra 200 nga durugista.
Naglab-ot naman sa 171 ang mga ginpatigayon nga anti-drug operations sang nasambit nga talatapan.
Sa interview sang Bombo Radyo kay Police Colonel Kim Legada, Director sang Iloilo City Police Office, iya ginpasalig ang kapulisan nga magapadayon ang suporta sang city government agud mapasangkad ang kampanya batok sa iligal nga druga.
Nahibaluan nga lakip sa mga ginpasidunggan amo ang:
- Police Station 1, led by Police Captain Roque Gimeno III
- Police Station 10, led by PCapt. Val Cambel
- Police Station 2, led by PMaj. Tranquilino P. Querubin
- Police Station 9, led by PCapt. Gimel C. Acuesta
- Police Station 4, led by PCapt. Ryan Christ C. Inot
