ILOILO CITY- Nakahanda ang Local Government Unit sang Syudad sang Iloilo nga magbatun sang mga Locally Stranded Individuals nga magapauli sa syudad sang Iloilo pinaagi sa sweeper flights apang dapat coordinated ini.
Sa interview sang Bombo Radyo kay Iloilo City Mayor Jerry Treñas, iya ginpahayag nga apisar nga ang mga sweeperflights ang kalabanan ginacharter sang pribado nga tawo, apang kun may nagakaigo nga koordinasyon, batunon ini sang syudad.
Samtang, ginpahayag man sang alkalde nga padayun ang pagsaka sang kaso sang Coronavirus Disease 2019 sa syudad sa diin ang iban sini ang nagikan sa isa ka BPO company kag may yara man sa Iloilo Fishport Complex.
Bangud sini suno sa alkalde, kinahanglan sundon sang mga pumuluyo ang ginapatuman nga mga minimum health protocols kaangay sang paggamit sang facemask, face shield kag physical distancing agud indi na magdamo pa ang kaso sang COVID19.
