Preparado na ang Iloilo City Government kag ang Sports Development Office sang City Hall sa pagpadala sang 238 ka mga atleta para sa Batang Pinoy nga pagahiwaton sa General Santos City sa Oktubre 25 tubtob 30.
Suno kay Rudiver Jungco Sr., Head sang Iloilo City Sports Development Division, ang mga atleta nga napilian nagikan sa mga pampubliko kag pribado nga eskwelahan sa syudad.
Ginklaro man ni Jungco nga indi masiling nga “import” ukon halin sa iban nga lugar ang mga atleta, bangud nga naga-partisipar man sila sa mga aktibidad sang iban nga Local Government Units (LGUs).
Ginpahayag man sang natungdan nga apisar wala nakapaidalom sa pormal nga try-outs ang pila sa mga kabataan, ginapasalig niya nga may mga kwalipikado nga coaches nga maga-assess kag maga-evaluate sa abilidad sang mga atleta.
Ginpasiguro man ni Jungco nga kompleto na ang mga kinahanglanon sang mga atleta ilabi na ila mga pagkaon.
