Madinalag-on nga ginpanagtag sang Iloilo City Government sa koordinasyon sang Iloilo City Schools Division ang allowance sa mga delegado para sa Palarong Pambansa 2025.
Sa interview sang Bombo Radyo kay Joy Fantilaga, spokesperson ni Iloilo City Mayor Jerry Treñas, iya ginpahayag nga paagi sa pagbinuligay kag suporta sang City Accountant, City Budget Officer, City Administrator, City Treasurer, kag mga opisyales sang Department of Eduacation natigayon naton nga na-release ang financial aid sa husto nga tion.
Suno kay Fantilaga, ang Iloilo City Government nag-alokar sang ₱1,522,800 gikan sa ila pundo, samtang dugang nga ₱1,470,100 ang ginhatag pinaagi sa Local School Board (LSB).
Nagpasalig naman ang city government sang pagpasanyog sang paghatag sang serbisyo para sa mga atleta samtang nagapreparar sila sa pagrepresentar indi lamang sang syudad sang Iloilo kag sang probinsya kundi sang bug-os nga rehiyon.
