Magapatigayon sang serye sang konsultasyon ang Iloilo City Government kaupod ang Iloilo Provincial Board bag-o ang implementasyon sang Local Public Transport Route Plan (LPTRP) sang syudad.
Nahibaluan nga una na nagpasar sang resolusyon ang Sanguniang Panlalawigan nga nagahingyo sa Iloilo City Government nga i-suspende ang implementasyon sang Iloilo City LPTRP.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office (PSTMO), iya ginpahayag nga ginatinguhaan nga mapa-anggid ang LPTRP sang probinsya sa guidelines sang Department of Transportation (DOTr) agud nga ini ang ma-align sa syudad.
Ginpanindugan man ni Conlu nga ang LPTRP sang syudad ang base sa approved guidelines sang DOTr.
