ILOILO CITY – Ginapreparahan na sang Iloilo City Government ang maabot nga National Transport Strike sa Setyembre 30, 2019.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga magapatigayon sila sang pagsinapol kaupod ang Philippine National Police, Bureau of Fire Protection, Philippine Coast Guard, Philippine Army kag Land Transportation Franchising and Regulatory Board.
Suno kay Conlu, may patigayunon man ngna libre sakay sang City Government para sa mga maapektuhan sang transport strike.
May yara 18 ka mga salakyan nga ipagamit ang City Government sa publiko sa diin magasugod ang libre sakay alas-6 sa aga.
Dugang pa sang natungdan, magatukod ang Public Safety and Transportation Management Office sang isa ka Operation Center sa Penthouse sang Iloilo City Hall agud nga i-monitor ang sitwasyon sang syudad kag ma preparahan ang posible nga mga insidente.
Nagpanugyan si Conlu nga kun wala man lang sang importante nga laktan sa lunes nga adlaw, mas maayo nga magpabilin na lamang sa balay agud indi na maapektuhan sang transport strike.
