Iloilo City Government, mas hugtan pa ang kampanya batok sa modified illegal mufflers

Mas hugtan pa sang Iloilo City Government ang pagpatuman sang kampanya sa Muffler Act of 2016.

Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga madugay na nga ginadumilian ang modified mufflers sa syudad.

Apang madamo sa gihapon sang mga pasaway nga motorista sa diin nagatuga ini sang tuman ka gahod sa dalanon.

Sa Iloilo City, ang mga madakpan naman nga nagalapas sa Muffler Act of 2016, ang magamulta sang:

-P1,000 sa first offense kag i-confiscate ang Driver’s License.
-P3,000 sa second offense kag i-confiscate ang Driver’s License.
-P5,000 sa third offense kag kakason ang muffler, i-confiscate ang Driver’s License kag mahimo mapreso sang tatlo tubtub anom ka bulan.

Ang mga violators naman nga magapamalibad nga nga magpondo sa tion nga i-flag down ang multahan sang P1,000.