Tubtob lamang ala-una sa hapon ang trabaho sang mga empleyado sang Iloilo City Government bilang pagselebrar sang Kainang Pamilya Mahalaga Day kag 34th National Family Week.
Gin-engganyo mismo ni Iloilo City Mayor Raisa Treñas ang mga empleyado sang City Hall nga magpuli gilayon kag maghatag sang tion sa ila tagsa-tagsa ka pamilya.
Suno kay Treñas nga importante nga hatagan sang tion ang pamilya, gani gina-updan sang Iloilo City Government ang national government sa pagpatuman sang shortened work hours.
Ini kasunod sang Memorandum Circular No. 136, series of 2026, nga nagasuspinde sang trabaho sa mga ahensya kag instrumentalities sang National Government, government-owned or controlled corporations kag state universities and colleges umpisa ala-1 sang hapon.
Apang ang mga opisina nga nagahatag sang basic kag health services, disaster preparedness kag response, kag iban pa nga vital services, nagpadayon gihapon ang operasyon agud indi maapektuhan ang kinahanglanon nga serbisyo publiko.
Nagpasalamat man ang alkalde sa mga empleyado sa ila padayon nga serbisyo kag dedikasyon sa pagserbisyo sa syudad.
