Iloilo City – Ginahulat nalang sang Iloilo City Government ang sabat sang Land Transportation Franchising and Regulatory Board (LTFRB) tuhoy sa status sang Enhanced Local Public Transport Route Plan (LPTRP).
Sa interview sang Bombo Radyo kay Mr Jeck Conlu Pinuno, pinuno sang Public Safety Transportation and Management Office, iya ginpahayag nga gina follow-up na nila ang mangin resulta sang Local Public Transport Route Plan sang syudad.
Suno kay Conlu, may gamay nga changes nga ginpasa sa Enhanced Local Public Transport Route Plan kag hulaton ang resolution gikan sa Department of Transportation.
Ginpahayag sang natungdan nga ginalauman nila nga mabaton ang approval sang Enhanced Local Public Transport Route Plan sa Enero nga maagi sa City Council.
Kun matapos na ang tanan nga proseso, magapatigayon sang massive information dissemination sa publiko.
